طبق مقلوبة بالحم

السلام عليكم ورحمة الله وبركاته

هذي وصفة وحدة من مقلوباتي اللي أسوي
عندي كذا طريقة
هذي سهلة ولذيذة ودسمها قليل وهي بين المقلوبة والكبسة
جربوها ما راح تندمون
المقادير :400
غرام لحم مقطع مكعبات
كاسين كبار أرز بسمتي
2-بصل مفروم – 2 طماط مفروم – بطاطس حجم صغير 2 كوسا 2بدنجان مقشر
لوبيا خضراء (اختياري )
ملعقة طعام معجون طماطم – ملعقتين زيت – ملح وبهارات حسب الرغبة

الطريقة

اولا_ نسخن الزيت في القدر ونحط عليه البصل الى ان يصير لونه ذهبي
2- نحط اللحم والبهارات (ملعقة كبيرة بهارات بحرينية مخلوطة –ملعقة صغيرة كمون – نص ملعقة صغيرة دارسين )
3- نحط الطماط عليه ونغطيه تقريبا 4-5 دقايق حتى يذوب الطماط بعدها نصب الماء المغلي عليه ونتركه على نار هادئة
4- اذا قرب ينضج اللحم نحط البطاطس (اذا ما عندك صغير ممكن تقطعينه مكعبات كبيرة شوي )والملح واللوبيا والمعجون
5- الرز يكون مغسول و منقوع تقريبا نص ساعة نحطه على النار ونسويه نص استوا ونصفيه من الماء
6- تكون الخضار نضجت والماء قليل تقريبا كوب نحط الرز عليه ونحكم اغلاق القدر ونحطه على نار هادئة جدا لمدة 20 الى 25 دقيقة وبعدها نطفي النار ونخليه 10 دقائق ثم نقلبه في صحن التقديم


وهذا شكلها النهائي :