تمنيتك وقلت فخاطري ليته تمناني

فمان الله يادرب على الهجر تحراني
خذاه الوقت من جنبي ولا جاني ولا جيته

قصيدي يا قصيدي اسكن فقلبي طرف ثاني
قبل يسكن بيوتي جنه وتمسي عفاريته

تعال اسال نجوم الليل ياهاجر من الهاني
وانا اعلمك بالوقت الطويل وكيف قضيته

بغيت اقوى على بعدك وراح الصبر ما امداني
اهز الشوق وان طاح الوله بالحضن ظميته

ربيعي يا خريفي يا شتاي ويا صيفي الهاني
تراك انت الفصول وهجرة الشاعر وتشتيته

فضت كل الشوارع مالقيت اللي ترياني
مثل طفل طلع يلعب ورد ومالقى بيته

تحداني تحداني حبيبي لا تحداني
انا لولاك لحن الهجر والفرقا ما غنيته

تمنيتك وقلت فخاطري ليته تمناني
وانا ما كل واحد شافته عيني تمنيته

على كيفك تذكرني على كيفك تناساني
وانا طاريك ولايوم في قلبي تناسيته

زرعتك وردة حمرا تزين كل بستاني
ودفنت القلب في تربة مشاعرنا وخليته

انا المجني عليه اللي يقدر طعنة الجاني
لان جرحه يذكرني بطاريه لا حسيته