نسيت اسمي وسمااني ببلورة ومرجانه

علامي يوم ناظرته سكن في ناظريني خوف
وضعت وضاعت حروف تبعثر شوق من شانه

اعد الوقت يوم انه لعب في حسبتي والجوف
يبيه يلملم اشتاتي و يتركني باحضانه

صحيت وما لقيت الا صباحي مستحي مكسوف
كثر خوفي و هقواتي و هوجاسي وحرمانه

سكبت من الهوى طيبي جمعت اللي بقى برفوف
لبست اجمل عناقيدي عساها تهز وجدانه

و جيته ما معي الا انين الخافق الملهوف
وجيته ارتمي شطه واذوب بموج تحنانه

طلب مني اناظر بس عيني ما قواها تشوف
بديت ارجف واحس اني معه بالحيل ذبلانه

جبرني ارفع الشيله يبي وجهي على المكشوف
لمس خدي بكفينه وانا باموت خجلانه

نسينا الواقع وعشنا رغم كل القسا وظروف
عرفنا ان العمر يمضي ويسرق وقت خلانه

غفينا بين غيمات الاماني والفكر مخطوف
نسيت اسمي وسمااني ببلورة ومرجانه