هذي مناتي للعمر ياا مضااوي

في الزااويه هذيك تجلس مضاااوي
وهناك ناس وليل وانفاااس عرقاا

مشيت خطوة وأتبعتها خطاااوي
وصافحت من تفرق عن الخلق فرقاا

قالت زحام قلت والصدر خاااوي
مدينة الغربه والاحلام خرقاا

قالت تعبتي قلت والعود ذاااوي
في حال من يطرق به الهم طرقاا

ودى اعيش بوسط رجمن خلاااوي
في منزلن تضحي به الشمس شرقاا

يمرني سرب الحماام امتخاااوي
واحس روحي كل ما طاار ترقاا

بارض عذيه حدر لونن سماااوي
وكفوف من عذب التقاطير غرقاا

وأختار لي شخصن شفوقن وهاااوي
نسل بدوين ماوطاا الدرب سرقاا

عقيد قوم مبعدين الهقاااوي
عدوهم ما سبل الجفن حرقاا

هذي مناتي للعمر ياا مضااوي
ترااب وحدوده سمااواات زرقاا