غمز لي وقال محلوه ياحظ اللي يحبونك

غمز لي وقال محلوه ياحظ اللي يحبونك
غريبه كيف مايدري عن احساسي وحبي له

يقولي كاشخه وشعندك في قلبي قلت لعيونك
سرحت بعيد وناداني وانا والله افكر فيه

سالني منهو محبوبك وقال لي شفته بعيونك
فرحت وقلتله احلف قال امزح عزتي له

حسبت انه درا عني هقيته قال لي ياعونك
طلع مايدري شالموضوع وانا المح وانادي له

سالته قلت له بسالك من اللي عايش بكونك
من اللي تحبه ويحبك من اللي تسهره ليله

بغيته يقول لي انتي بغيته يقول مجنونك
ولكن قال محد على نياته ياحليله

ضحكت ضحكه تعاسه وقلت له ياحظ ظنونك
وقال لي لا دخيلك ماني ناقص هم واشيله

قلت له شوف حولك يمكن تشوف اللي يحبونك
تلفت قال لي محد وانا اللي قاعده اشكي له